Нийслэлийн Засаг дарга бөгөөд Улаанбаатар хотын захирагч Д.Сумъяабазар өнгөрсөн долоо хоногт БНСУ-ын Сөүл хотод айлчилсан. Айлчлалын хүрээнд тус хотын бүтээн байгуулалт, нийтийн тээврийн үйлчилгээний талаар танилцсан юм. Энэ үеэр Нийслэлийн нийтийн тээврийн газрын дарга С.Жавхлантбаатар Улаанбаатар хотын нийтийн тээврийн үйлчилгээнд  нэвтрүүлж болох боломжтой туршлагуудын талаар ярьсан юм. Тэрбээр “Улаанбаатар смарт” ХХК-ийн үндсэн хөрөнгө оруулагч компани буюу “Т-money” компантай хамтран ажиллах санамж бичигт гарын үсэг зурлаа. Нийслэлийн иргэдэд үйлчлэх үйлчилгээнд энэ жил нэлээд дэвшил гарч байгаа. Тухайлбал парк шинэчлэлийн хүрээнд нийтийн тээврүүдийг шинэчлэнэ. Иргэдэд технологийн хүндрэл үүсгэхгүйн үүднээс  тус компанитай санамж бичиг байгууллаа. Санамж бичигт зөвхөн нийтийн тээврийн автобус гэлтгүй такси үйлчилгээ, дүүжин тээврийн үйлчилгээг иргэдэд үзүүлнэ. 2024 онд дүүжин тээврийн үйлчилгээг нэвтрүүлэхээр ярьж байгаа. Үүнд өнөөдөр ашиглаж буй цахим төлбөрийн системийг нэвтрүүлэхээр санамж бичиг зурсан” гэлээ.