“Токио-2020” зуны олимпын наадамд амжилттай оролцож мөнгөн медаль хүртсэн тамирчин Саид Моллай, М.Уранцэцэг, Ц.Цогтбаатар, Б.Болортуяа, дасгалжуулагч Х.Болдбаатар, М.Бундмаа, Б.Баттулга нарт мөнгөн урамшуулал, орон сууц олгох Засгийн газрын шийдвэр гарч байсан. Тодруулбал, Саид Моллайд 60 сая, М.Уранцэцэг, Ц.Цогтбаатар, Б.Болортуяа нар 30 сая, дасгалжуулагч Х.Болдбаатар 45, М.Бундмаа, Б.Баттулга нарт тус бүр 15 сая төгрөг олгох тухай мэдэгдэж байсан. Засгийн газрын тамирчдыг урамшуулах амлалтдаа хүрсэн эсэх талаар  “Токио-2020” зуны олимпын наадмаас хүрэл медаль хүртсэн Ц.Цогтбаатараас тодрууллаа.

Тэрбээр “Засгийн газраас надад 30 сая төгрөг, хоёр өрөө байр өгнө гэж амлаж байсан. Надад Засгийн газраас 30 сая төгрөг өгсөн. Харин хоёр өрөө байрны батламж өгсөн боловч байраа өгөөгүй байгаа. Бусад тамирчдад мөн ижил байх” гэлээ.