Монгол-Оросын хамтарсан III сургуулийн захирал асан Ж.Соронзон тус сургуулийн захирлын үүрэг гүйцэтгэгч Б.Болорын зөвлөхөөр болохоор эцэг, эхчүүдээс гарын үсэг цуглуулсан гэх мэдээлэл бий. Тодруулбал, Монгол-Оросын хамтарсан III сургуулийн хичээлийн эрхлэгч А.Ю.Дабаева түүнийг сургуульдаа оруулахын тулд эцэг, эхчүүдээс гарын үсэг цуглуулах ажлын зохион байгуулж байгаа гэдэг. Энэ талаар Ж.Соронзонгоос тодрууллаа. Тэрбээр “Би Б.Болор захирлын зөвлөхөөр ажиллах сонирхол байхгүй. Тиймээс эцэг, эхчүүдээс гарын үсэг цуглуулаагүй гэсэн үг. Миний талаар худал мэдээлэл олон нийтийн сүлжээгээр гарсан байна. Цаашид тус сургуульд ажиллах эсэх нь миний асуудал” гэсэн юм.

     Ташрамд дурдахад , БШУ-ны сайд Л.Энх-Амгалан есдүгээр сарын 16-нд Ж.Соронзонг үүрэгт ажлаас нь чөлөөлөх шийдвэрийг гаргасан байдаг.