Цагдаагийн автомашины жолооч гарцаар гарч байсан зорчигчийг мөргөж, амийг нь хохироосон гэх мэдээлэл олон нийтийн сүлжээгээр гарсан. Тодруулбал, өглөөний 06:00 цагийн үед Баянгол дүүргийн 25 дугаар эмийн сангийн уулзварын ойролцоо дээрх ноцтой осол гарсан гэх мэдээлэл бий. Тус хэргийн талаар Тээврийн цагдаагийн албаны Урьдчилан сэргийлэх хэлтсийн ахлах мэргэжилтэн, хошууч  Г.Отгонтамираас тодрууллаа.

      Тэрбээр “Зам тээврийн ослын улмаас хүний амь хохирсон дуудлага, мэдээлэл өглөө цагдаагийн байгууллагад бүртгэгдсэн байна. Цагдаагийн алба хаагч буюу цагдаагийн автомашин жолоодож явсан жолооч явган зорчигч мөргөж, хүний амь хохироогоогүй. Харин цагдаа нарын хэргийн газрыг хамгаалалтад авч байсан үеийн зургийг зарим сайт “Цагдаа хүн дайрч, амийг нь хохироожээ” хэмээн буруу ташаа мэдээлэл түгээсэн байна. Харин "приус-20" загварын автомашины жолооч явган зорчигчийг дайрч, амийг нь хохироосон байна. Жолооч хэргийн газраас 100 метрийн цаана автомашинаа тавьсан байсан. Жолоочийн хэргийн газрыг орхиж явсан шалтгааныг үргэлжлүүлэн шалгаж байгаа” гэв.