О.БАЯРМАА:Наадам сурвалжлах 600 хүнд мандат олгоно

Э. Энхмаа:
Монголчуудын амьдрал- Мэдээ мэдээлэл

2022-07-07, 1059

Үндэсний их баяр наадмыг зохион байгуулах хорооноос мэдээлэл өгсөн юм. Энэ үеэр ЗГХЭГ-ын Цахим мэдээллийн хэлтсийн дарга О.Баярмаа баяр наадмыг хэрхэн сурвалжлах талаар мэдээлэл өглөө.

Тэрбээр “Цар тахлаас шалтгаалж сүүлийн хоёр жилд монголчууд үндэсний баяр наадмаа өргөн дэлгэр тэмдэглэж чадаагүй. Харин одоо цар тахлыг даван туулж буй цөөн хэдэн улсын нэг болсон. Иймд бид Ардын хувьсгалын 100,101 жилийн ойг өргөн дэлгэр тэмдэглэн өнгөрүүлэхлээр болоод байна. Энэ жилийн хувьд Үндэсний баяр наадмыг сурвалжлах хүсэлтийг дотоод болон гадаадын 1000 гаруй уран бүтээлчид хандсан. Үүнээс бид зай, талбай зэргийг харгалзан үзэж 600 гаруй хэвлэл мэдээллийн байгууллагад мандат олгож байна. Дөрвөн төрлийн мандат гаргасан.

Улаан мандат нь Төв цэнгэлдэх хүрээлэн, Хүй долоон худаг болон бүх газрыг нээлттэйгээр сурвалжлах “онцгой” гэдгээрээ ялгаатай. Ихэнхдээ баяр наадмын үйл ажиллагааг бүхэлд нь шууд дамжуулах ажилчдад олгосон.
Ногоон мандат бол зөвхөн Төв цэнгэлдэх хүрээлэнгээс сурвалжлах эрхтэй.
Цэнхэр мандат бол Хүй долоон хутаг, Төв цэнгэлдэх хүрээлэн сур, шагайг дамжуулах боломжтой.
Шар мандат бол гаднын хэвлэл мэдээллийн байгууллагын сэтгүүлчдэд олгож байгаа юм. Энэ жилийн хувьд мандатын үнэ дотоодын хэвлэл мэдээллийн байгууллагад 25 мянган төгрөг. Харин гаднын хэвлэлийн ажилчдад 100 ам.доллар байна.

Мөн Хүй долоон худагт Засгийн газрын хэвлэл мэдээллийн газраас "Press center"-г ажиллуулж тэнд ажиллах сэтгүүлч хэвлэл мэдээллийн ажилтнуудад шаардлагатай орчинг бүрдүүлж ажиллахаар болсон. Төв цэнгэлдэх хүрээлэнд цол авсан бөхчүүд шагнал авсан хүмүүсээс яриа авах хэсгийг доор тодорхой хэмжээний талбай гаргах зохицуулалт хийсэн. Мөн энэ жилийн баяр наадамтай холбоотой хөтөлбөрийг "Enaadam" цахим системийг ашиглан мэдээлэл авах боломжтой” гэлээ.

О.БАЯРМАА:Наадам сурвалжлах 600 хүнд мандат олгоно

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид