Дорнод аймагт 29 настай эрэгтэй энэ сарын 12-нд сураггүй алга болжээ. Түүнийг эрэн хайх багийнхан сураггүй болсон өдрөөс хойш хоёр долоо хоногийн дараа гаднын нөлөөтэй нас барсан байхыг олж тогтоосон байна. Тодруулбал, Дорнод аймгийн Гурванзагал сумын харьяат иргэн сураггүй болж, Дашбалбар сумын нутагт гаднын нөлөөтэй нас барсан байжээ.

Талийгаач хоёр хүүхэдтэй байсан бөгөөд тус сумын нэгдүгээр багт мал маллаж амьдардаг байжээ. 

    Хэргийн талаар талийгаачийн ахаас тодруулахад “Дүү минь “Айл руу явлаа” гэж гэрээсээ гараад сураггүй алга болсон. Чухам хэнийх рүү, ямар айл руу явсныг нь мэдээгүй. Бид дүүгээ хэд хоног хайж, яваагүй газар гэж байхгүй. Гэтэл дүүгийн минь цогцос Дашбалбар сумын нутаг дэвсгэр буюу хээр хэвтэж байсан. Дүү минь гадны нөлөөтэй амиа алдсан. Миний дүүгийн амийг хөнөөсөн байж болзошгүй этгээдийг цагдаа нар баривчилсан. Дүүгийн цогцост хийсэн шүүх шинжилгээний дүгнэлт гараагүй байгаа. Нэгнийхээ амийг хөнөөгөөд хээр хаячихдаг хэцүү цаг болжээ, үнэхээр харамсалтай, хэцүү байна” гэв.