Сүхбаатар дүүргийн нэгдүгээр хороонд байрлах “Шонхор тауэр”-ын ард өнгөрсөн шөнө автомашин мөргөлджээ. Үүний улмаас замын хажууд зогсож байсан гурван хүн мөргүүлж, маш хүнд гэмтжээ. Тодруулбал, осолд өртсөн гурван хүнийг  Гэмтэл, согог судлалын үндэсний төвд хүргэж, хоёр иргэнийг яаралтай хагалгаанд оруулсан боловч биеийн байдал нь маш хүнд байгаа аж. Харин осол гаргасан жолооч согтууруулах ундаа хэрэглээгүй байжээ. Ослын талаар мөрдөн шалгах ажиллагаа үргэлжилж байгаа учир дэлгэрэнгүй мэдээлэл өгөх боломжгүй хэмээн Тээврийн цагдаагийн газраас мэдээллээ.