Жүжигчин Д.Дэлгэрсайхан охиноо эмчлүүлэх эмчилгээний зардал олохын тулд орон нутгаар явж тоглолт хийж байгаа билээ. Харин түүнд "Маск" продакшны жүжигчид туслахгүй байна, ганцаараа тоглолт хийж байна гэх мэдээлэл олон нийтийн сүлжээгээр цацагдаж байгаа. Энэ талаар жүжигчин Д.Дэлгэрсайхантай холбогдож тодруулсан юм. Тэрбээр “Би одоо Архангай аймгийн Хашаат суманд тоглохоор ирчихсэн байна. Би ганцаараа тоглолт хийгээгүй. “Маск” продакшныхаа залуу жүжигчидтэй хамт тоглолт хийж байгаа. “Маск” продакшны хамт олон миний унааны зардал, буудал, хоол хүнс гээд урсгал зардлыг дааж байгаа. Надтай хамт тоглолт хийхээс илүү тусламж, дэмжлэг үзүүлж байгаад баярлаж байгаа. Мөн “Маск” продакшнаар овоглож тоглолт хийж байгаадаа баярлаж байна. Хамт олон минь надад үүнээс илүү яаж туслах билээ дээ гэж бодож байна. Охин минь хоёр жилийн өмнө цусны өвчин туссан юм. Одоогоо эмчилгээ хийлгэж байгаа” гэлээ.