Чөлөөт бөхийн эмэгтэйчүүдийн -68 кг жинд зодоглосон С.Батцэцэг хүрэл медалийн төлөө Азийн наадмын мөнгөн медальт Киргизийн Мээрим Жуманазартай барилдаж, 10-1 харьцаатай ялагдлаа.

          С.Батцэцэг нь эхний шатанд Францын Кумба Ларрок, шөвгийн наймд Оросын Ханум Велиев нарыг ялсан ч шөвгийн дөрөвт Нигерийн Блессин Обарудудуд ялагдсан юм. Өдгөө 31 настай С.Батцэцэг гурав дахь олимпод оролцож байгаа. Тэрбээр дэлхийн аварга шалгаруулах тэмцээнээс хоёр алт, нэг мөнгө, Лондонгийн олимпын их наадмаас хүрэл медаль авсан. Түүний гаргасан амжилтыг Монголын төр засаг өндрөөр үнэлэн 2010 онд Монгол Улсын гавьяат тамирчин, 2017 онд Монгол Улсын Хөдөлмөрийн баатар цолоор шагнаж, урамшуулсан билээ.