Өмнөговь аймгийн Булган сумын дөрвөн метр гүн тогтоол усанд хүн живж, амиа алдсан хэрэг гарчээ. Тодруулбал, аймгийн төвөөс хойд зүгт 95 километрт орших Булган сумын Булган булаг гэх газар иргэн Б тогтоол усанд живсэн тухай дуудлагыг ОБЕГ өчигдөр буюу наймдугаар сарын 2-ны 11:15 цагт хүлээн авсан байна.

          Дуудлагын дагуу Онцгой байдлын газрын Гал түймэр унтраах, аврах 21 дүгээр ангийн алба хаагчид тухайн өдрийн 14:00 цагт очсон байна. Алба хаагчид Өвөрхангай аймгийн харьяат 19 настай иргэн Б-ын цогцсыг усны баруун хойд эргээс гурван метр, дөрвөн метр гүнээс гаргаж, Өмнөговь аймаг дахь Цагдаагийн газрын ахлах мөрдөгчид шилжүүлж, өгчээ.