Хан-Уул дүүргийн 15 дугаар хороонд байрлах “Их наяд плаза”-гийн өргөтгөлийн барилгын гадна фасдын хэсэг шатжээ.

Тус дуудлага Нийслэлийн Онцгой байдлын газар 17:00 цагт ирсэн байна. Дуудлагын дагуу Нийслэлийн Онцгой байдлын газрын гал түймэр унтраах, аврах, 10,14,63 дугаар ангийн 20 гаруй алба хаагч түймэр унтраахаар ажиллаж буй. Гал түймэр унтраах алба хаагчид галыг хэрхэн унтраахаар ажиллаж байгаа талаар Онцгой байдлын Ерөнхий газрын хурандаа Б.Алтанхуягаас тодрууллаа. Тэрбээр “Тус дуудлага 17:00 цагт ирсэн. Бид галын дөлийг  10 минутын дотор унтраасан. Одоо шалгалтын ажиллагааг үргэлжлүүлж, гал уугьж байгаа эсэхэд задаргаа хийж байна. Гал юунаас болж гарсан талаар шинжээчийн багийнхан тогтооно” гэлээ.