Цар тахлын үеийн хөл хорионы дэглэмээс шалтгаалан түр хугацаагаар хойшлоод байсан Улсын аварга малчин, саальчин, тариаланч хамт олон болон Алтан төлийн эздэд шагнал гардуулах ёслолын ажиллагаа өнөөдөр боллоо. Ёслолын үйл ажиллагаанд УИХ-ын гишүүд хүрэлцэн ирж оролцсон юм.

       Архангай аймгийн Засаг дарга Д.Золжаргал ёслолын үйл ажиллагааг нээж үг хэлэхдээ "Төл малаа өсгөж, аймаг орон нутгийнхаа мал аж ахуйн салбарт үнэтэй хувь нэмэр оруулан, хөдөлмөр зүтгэлээ төр засагтаа үнэлүүлж буй малчин түмэндээ халуун баяр хүргэе. Бороо хур тэгширсэн энэ сайхан жил манай аймгаас

- Улсын хошой аварга малчин өрх-нэг,

- Улсын аварга саальчин-нэг,

- Улсын аварга малчин өрх-10,

- Алтан тугалын эзэн-гурав,

- Алтан хурганы эзэн-тав,

- Алтан унаганы эзэн-нэг тодорлоо.

Батцэнгэл сумын малчин Л.Айлтгүйбаатар энэ жил дахин аварга малчнаар тодорч, Улсын хошой аварга малчин болж байгаад тусгайлан баяр хүргэе. Мөн энэ дашрамд Хотонт сумын малчин Ж.Батсайхан нь аавынхаа залгамж халаа болж, энэ жил Улсын аварга малчнаар тодорчээ. Түүний аав С.Жигмэдсорогдон гуай 1987 онд Улсын аварга малчин болж байсан юм. Ийнхүү манай аймгаас аав хүү хоёр Улсын аварга малчнаар тодорсон сайхан үйл явдал боллоо. Мөн Цэцэрлэг сумын уугуул, Улсын аварга малчин Ц.Пүрэвдоржийг дурдахгүй байхын аргагүй. 41 жил мал маллан, 2017 онд Алтан унаганы эзэн болж байсан бөгөөд энэ жил адуун сүргийн тоо толгойгоо 1054-т хүргэж, малчин түмнээ манлайлан, хөдөлмөр зүтгэлээ төр засагтаа үнэлүүлж буй танд болон танай гэр бүлд халуун баяр хүргэе" хэмээсэн юм.

УЛСЫН ХОШОЙ АВАРГА МАЛЧИН ӨРХ:

Батцэнгэл сумын малчин Л.Айлтгүйбаатар, гэргий Б.Энхтуяа,

УЛСЫН АВАРГА СААЛЬЧИН:

Булган сумын саальчин Б.Батцэнгэл,

УЛСЫН АВАРГА МАЛЧИН ӨРХ:

Батцэнгэл сумын малчин Б.Сүхбат, гэргий П.Оюунгэрэл

Цэцэрлэг сумын малчин Ц.Пүрэвдорж, гэргий Б.Цэрмаа

Хотонт сумын малчин Ж.Батсайхан, гэргий О.Орхонтуяа

Ихтамир сумын малчин Ж.Мөнхбат, гэргий Ж.Ундрах

Өндөр-Улаан сумын малчин Б.Дашдаржаа, гэргий С.Чулуунцэцэг

Хашаат сумын малчин Ж.Батсуурь, гэргий М.Наранцацрал

Эрдэнэмандал сумын малчин Ж.Дарханбаатар, гэргий Д.Дэлгэрнасан

Цэнхэр сумын малчин С.Бадмаагарав, гэргий Я.Оюунчимэг

Өгийнуур сумын малчин М. Отгонбат, гэргий С.Энхтуяа

Өлзийт сумын малчин Ж.Баатаржин, гэргий Б.Дуламсүрэн

АЛТАН ТУГАЛЫН ЭЗЭН:

Хотонт сумын малчин О.Батбилэг

Эрдэнэмандал сумын малчин Ж.Батсайхан

Чулуут сумын малчин А.Гантулга

АЛТАН ХУРГАНЫ ЭЗЭН:

Хашаат сумын малчин С.Энхбат

Цэцэрлэг сумын малчин П.Эрдэнэбаатар

Хашаат сумын малчин М.Бат-Эрдэнэ

Батцэнгэл сумын малчин Ч.Гонгорсүрэн

Батцэнгэл сумын малчин Д.Лхагваа

АЛТАН УНАГАНЫ ЭЗЭН:

Төвшрүүлэх сумын малчин С.Мэндсайхан