Баянзүрх дүүргийн Засаг даргын санаачилсан “Дэм дэмдээ” аян эхнээсээ эздэдээ хүрч, А.Нямсүрэнд өргөө цагаан гэр гардуулан өглөө. Хоёр жилийн өмнө өвчний улмаас хань ижлээ алдаж гурван хүүхдээ өсгөх хүнд ачааг үүрэн өрх толгойлон үлдсэн хэдий ч амьдралд бууж өгөлгүй зүтгэсээр ирсэн хөдөлмөрч эмэгтэй юм. Өөрийн гэх газаргүй түрээсийн гэрт амьдарч байсан тэрбээр одоо өөрийн гэртээ үр хүүхдүүдтэйгээ сэтгэл амар амьдрахаар болжээ.