Төв аймгийн Лүн сумын Өгөөмөр багийн Бор хошуу гэдэг газар  Туул голын эрэг дагуу зугаалж явсан зургаан иргэний нэг нь усанд живжээ.

       Аймгийн Онцгой байдлын газар энэ тухай дуудлагыг өчигдөр14:00 цагт хүлээн авсан байна. Тус аймгийн Онцгой байдлын газрын Лүн сум дахь Эрэн хайх, аврах бүлэг, Цагдаагийн хэсгийн алба хаагчид, ар гэрийнхэн Өгөөмөр багийн бетон гүүрээс Улаан-Үзүүр гэдэг газар хүртэл 13 км-т завиар, голын эрэг дагуу таван  км-т автомашинаар, дөрвөн метрийн гүнд долоон удаа шумбалт хийж Н, 9 настай, эмэгтэй хүүхдийг эрэн хайх ажиллагаа үр дүнд хүрээгүй байна. Тиймээс өнөөдрийн 06:00 цагт эрлийг дахин эхлүүлжээ.