Дорнод аймгийн Чулуунхороот сумын Галуут багийн Арлын-Ухаа гэх газар найман хүн зугаалж явснаас нэг хүн Улз голын усанд живсэн тухай мэдээллийг тус сумын Онцгой байдлын газар долдугаар сарын 28-ны өдрийн 09:20 цагт хүлээж авчээ. Тус сумын Засаг даргын Тамгын газрын ажилтнууд эрэн хайх ажиллагааг зохион байгуулж, мөн өдрийн 10:35 цагт тус сумын харьяат иргэн 32 настай, эмэгтэй Ч гэгчийн цогцсыг осолдсон газраас урд зүгт, нэг километрийн зайд Улз голын усны мандалд хөвж байсныг олж, сумын Цагдаагийн хэсгийн мөрдөгчид шилжүүлэн өгчээ.