Тус хийдийн Цогчин дуганы гадаад үзэмж он цагийн уртад дээврийн ваар, модон хийцүүд, өнгө будаг нь элэгдэн муудаж байгааг засаж байна. 2021-2022 онд хийдийн гол хурлын дуган “Цогчин дуган”-ны засварын ажлыг хийхээр өнгөрсөн зургадугаар сараас эхлүүлжээ. Уг дуганыг 1980-аад онд Монгол-Японы хамтарсан инженерүүдийн удирдлага доор Вьетнам урчууд сэргээн засварласан байна. Мөн 992 онд Гүрү Дэва рэнбүүчи өөрийн хөрөнгөөр өнгө будгийг нь сэргээн засварласан аж. Хосгүй ур хийц загвартай тус дуганыг сэргээн засварлах үйлст сүсэгтэн олон өглөгийн гараа сунгаж, сэргээн засварлах их ажилд гүн туслалцаа үзүүлж, хичээнгүйлэн зүтгэж байгаа аж. Энэхүү ажилд сэтгэлийн хандив өгөх хүмүүс “Амарбаясгалант хийд”-ийн Хаан банкны 50491325 71 дансанд өгөх буюу 99940258 дугаарын утсаар холбогдох боломжтой аж. Хандив өгч буй иргэд өөрсдийн нэр, ам бүлийн тоо, утасны дугаараа үлдээхийг хийдийн захиргаанаас мэдэгдсэн. Тус хийдийн хувьд нэг ч хадаас ороогүй, уран хийцтэй, бүгд эвийн углуургаар хийгдсэн гэдгээрээ онцлогтой байдаг.