Монгол Улсын шүүхийн 2021 оны эхний хагас жилийн шүүн таслах ажиллагааны нэгдсэн дүн мэдээг олон нийтэд танилцууллаа.   

                   Монгол Улсын шүүх 2021 оны эхний хагас жилд 43384 хэрэг, маргааныг хянан шийдвэрлэсэн байна. Тухайлбал, Анхан шатны шүүхүүд эрүүгийн 5824, иргэний 20602, захиргааны 864, зөрчлийн 11993, нийт 27290 хэрэг, маргааныг хянан шийдвэрлэж, 11463 хүнд зөрчлийн шийтгэл, 5656 хүнд ял шийтгэл ноогдуулжээ. Мөн 782 хүнийг хорих ял эдлэхээс хугацаанаас нь өмнө суллаж, хяналт тогтоох болон ялаас чөлөөлж, 639 хүнд цагдан хорих арга хэмжээ авсан аж. Харин 972 хүний цагдан хорих хугацааг сунгажээ.

                   Монгол Улсын шүүхээр энэ оны эхний хагас жилд шүүх дэх эвлэрүүлэн зуучлагчид гаргасан 9952 өргөдлөөс 5815-ийг нь шийдсэн байна. Үүнээс 4104 буюу 70.6 хувь нь эвлэрчээ. Харин 1711  буюу 29.4 хувь нь харилцан тохиролцоонд хүрч чадаагүй байна.

Амжилттай болсон эвлэрүүлэн зуучлах үйл ажиллагааны үзүүлэлтийг Монгол Улсын иргэний хэргийн нийт шүүхийн шийдвэрлэсэн хэргийн үзүүлэлттэй харьцуулахад 24.8  хувьтай тэнцэж байгаа нь энэ хэрээр ачааллыг буурсан гэсэн үг юм.