Хэнтий аймгийн Цэнхэрмандал сумын Согоот багийн нутагт орших Хар зүрхний хөх нуурын эрэгт тус аймгийн иргэд зугаалж явснаас нэг нь усанд осолджээ. Тодруулбал, Хэнтий аймгийн Өмнөдэлгэр сумын харьяат дөрвөн гэр бүлийн, 10 хүн зугаалж байсан аж. Тухайн үед иргэн Б-нь согтууруулах ундаа хэтрүүлэн хэрэглэж, хамт явсан хүмүүстэйгээ муудалцсан байна. Улмаар хамт явсан хүмүүс нь түүнийг орхиж Өмнөдэлгэр сум руу явсан байна. Харин маргааш нь буюу долдугаар сарын 23-нд буцаж ирэхэд нь иргэн Б үлдсэн газраа байгаагүй гэнэ.

Тэдний дуудлага мэдээллийн дагуу Онцгой байдлын газрын алба хаагчид эрэн хайх ажиллагааг зохион байгуулж өчигдөр 15:30 цагт нуурын усанд живсэн Б-гийн цогцсыг гаргаж, цагдаагийн байгууллагад хүлээлгэн өгсөн байна.