"Үндэсний их баяр наадмыг тэмдэглэхээр болсон" гэх мэдээллийн дагуу Халдварт өвчин судлалын үндэсний төвийн дарга Л.Баттөр мэдээлэл хийлээ. Тэрбээр “Улсын биеийн тамир спортын хорооноос зарим тэмцээн уралдааныг зохион байгуулах хүсэлтийг Улсын Онцгой комисст хүргүүлсэн. Улсын Онцгой комисс хүсэлтийг хэлэлцээд, шийдвэрт хүрсэн. Засгийн газраас улс болон аймаг, сумдын баяр, наадмыг нэг жилийн хугацаатай хойшлуулсан.

Тиймээс ямар нэг баяр ёслол тэмдэглэхгүй.

             Харин задгай талбайд зохиогддог зарим нэг тэмцээн, уралдааныг үзэгчгүйгээр зохион байгуулах шийдвэр гарсан.  Улсын Онцгой комиссоос аймгийн засаг дарга нарт коронавирусийн халдвар тархалтыг үнэлээд боломжтой тохиолдолд үзэгчгүйгээр задгай талбайд тэмцээн уралдаан зохион байгуулах чиглэл өгсөн” гэлээ.