Улаанбаатар-Анталия чиглэл рүү нисэж байсан "Аэро Монголиа" компанийн онгоц ОХУ-ын Челябинск хотод шатахуун авахаар түр газардсан үед агаарын хөлөгт нь гэмтэл учирсны улмаас тус 131 зорчигч ОХУ-д саатаад байгаа талаар бид өмнө нь мэдээлж байсан. Тэгвэл тус агаарын хөлгийг засварлаж дууссан бөгөөд маргаашнаас нисэх боломжтой болсон талаар “Аэро Монголиа” компаниас мэдэгдэл гаргажээ.

Мэдэгдэл

   "Аэро Монголиа" компанийн АЭРБУС-319 агаарын хөлөг ОХУ-н Челябинск Олон улсын нисэх онгоцны буудал дээр Газрын үйл ажиллагааны байгууллагын буруугаас болж түр саатаад байсан боловч 2021 оны долдугаар сарын 26-ны өдрөөс эхлэн техник үйлчилгээний ажил дуусч хэвийн үйл ажиллагаанд эргэн орсныг зорчигч та бүхэндээ мэдэгдэж байна.

   Техникийн засвар үйлчилгээг Европын холбооны нисэхийн аюулгүй ажиллагааны байгууллага, Монгол Улсын Иргэний ниёэхийн ерөнхий газрын зөвшөөрөгдсөн Ural Airlines хийж гүйцэтгэлээ. Иймд Турк Улсын Антальяад аялж буй зорчигчдыг долдугаар сарын 26-ны 22:00 цагаар Антальяа-Улаанбаатар чиглэлд нислэг хийхээр төлөвлөж байсан боловч нислэгийн цагт өөрчлөлт орж 27-ний өдрийн 12:00 (орон нутгийн цаг) цагаас Анталья ОУНБ-с хөөрөх болсныг анхаарна уу. Нислэгийн цагийн хуваарьт өөрчлөлт орж байгаа явдалд та бүхнээс хүлцэл өчиж байна.