Шивээ хүрэн боомтод 596.8 сая төгрөгийн өртөг бүхий чингэлэгт тээврийн зориулалт бүхий дөрвөн гарцыг “Монголын алт” компаниас барьж, Хил хамгаалах байгууллагад хүлээлгэн өгчээ. Ингэснээр Шивээ хүрэн боомтоор жилд экспортлох нүүрсний хэмжээ 10 сая тонноор нэмэгдэх нөхцөл бүрдэх аж.

   Мөн чингэлэгт тээврийн терминалыг байгуулснаар хилийн боомтод үйл ажиллагаа явуулж буй байгууллагууд хууль тогтоомжийн хүрээнд төрийн үйлчилгээг шуурхай хүргэх, тээврийн урсгалын нягтралыг оновчтой, аюулгүй байдлыг ханган зохион байгуулах, боомтын нэвтрүүлэх хүчин чадал нэмэгдэх, халдвар хамгааллын дэглэм сахих зэрэг олон талын ач холбогдолтой аж.