Эрүүл мэндийн яамнаас мэдээлэл хийх үеэр ХӨСҮТ-ийн дэд захирал Ж.Байгалмаа эмнэлгийн ажилтнуудын хүрэлцээний талаар тайлбар өгсөн юм.

   Тэрбээр “Хэрвээ ямар нэг байдлаар “Ковид-19”-ийн аль нэг хувилбарын давлагаа үүсвэл эмнэлгийн ачаалал огцом нэмэгдэх эрсдэлтэй.

   ХӨСҮТ дээр тодорхой хэмжээний үндсэн орон тооны ажилчдаас гадна 50 орчим резидент эмчийг дайчлан ажиллуулж байна. Нөхцөл байдалтай уялдуулан эмч нарыг хаана дайчлах асуудлыг тухай бүрд нь шийднэ.

 Яг одоогийн нөхцөл байдлын тухайд тандалт, хавьтал судлалын ажиллагаа болон судалгааны ажилтай холбоотой нэмэлт хүний нөөц зайлшгүй шаардлагатай байна.

  Тиймээс  анагаахын сургууль төгссөн болон анагаахын оюутнуудыг дайчлан гэрээт ажилтнаар ажиллуулж хүний нөөцийн зохицуулалтыг хийж байна" гэсэн юм.