Цар тахлын нөхцөл байдалтай холбоотойгоор өнгөрсөн жил ОХУ-д суралцдаг 3000 гаруй оюутан эх орондоо ирсэн. Гэвч 2020-2021 оны хичээлийн жилээс ОХУ сургуулийн үйл ажиллагааг танхимаар эхлүүлж, 2021-2022 оны хичээлийн жилд гаднын оюутнуудыг биеэр ирж танхимын хичээлд суух хатуу шаардлага тавьж эхэлсэн байна. Үүнээс гадна, ОХУ-ын сургуулиуд дараах шаардлагыг тавьжээ.

• 2021-2022 оны хичээлийн жилд биечлэн танхимаар сурахгүй тохиолдолд сургуулиас хасах, эсхүл суралцаж буй чиглэлээр нь Монголд шилжүүлэх 
• 2020-2021 оны хичээлийн жилийн шалгалтаа заавал биечлэн очиж өгөх
• Зарим мэргэжлээс хамааран заавал ОХУ-д дадлагаа биечлэн хийх
• Зарим сургуулиуд биеэр ирж танхимын сургалтад хамрагдах боломжгүй тохиолдолд жилийн чөлөө олгох санал тавьжээ.

  Дээрх шаардлагыг биелүүлэхийн тулд монгол оюутнууд ОХУ-д очих хүсэлтэй байгаа ч манай улсын коронавирусийн нөхцөл байдлыг харгалзан хилээ нээхээс татгалзаж байгаа юм.

  Иймд ОХУ-д суралцдаг оюутнууд дээрх асуудлыг хоёр улсын дээд түвшинд  авч хэлэлцэн шийдвэрлэж өгөхийг хүсэж Гадаад харилцааны яам, УОК-т хүсэлт гаргажээ.

  Мөн тэд хилийн чанад дахь монголчуудын зөвлөл НҮТББ олон ОХУ, ЗХУ-д төгсөгчдийн МАВСУЗ холбоонд хандсан байна.