Сэлэнгэ аймгийн Ерөө сумын Хонгорын нуруу гэх газар өчигдөр аймгийн төвөөс зүүн урд 147 километр 5.2 магнитудын газар хөдөлжээ. Тодруулбал, газар хөдөлсөн тухай дуудлага мэдээллийг 09:12 цагт  ШУА-ийн Одон орон геологийн хүрээлэнгээс цахимаар хүлээн авсан байна.

   Тус аймгийн Онцгой байдлын газраар дамжуулан Ерөө сумын ЗДТГ-ын дарга, Мандал сум дахь Онцгой байдлын хэлтэс болон тухайн газарт нутагладаг иргэдээс тодруулахад газар хөдлөлтийн чичирхийлэл хүчтэй мэдрэгдсэн бөгөөд учирсан хохиролгүй тухай мэдээлжээ.

 Газар хөдлөлтийн чичирхийлэл нь Улаанбаатар хот болон Дархан-Уул, Сэлэнгэ аймгийн иргэдэд дам мэдрэгдсэн байна.