Булган аймгийн Бүрэгхангай сумын Дэрст багийн Тосон нуурын эрэгт дөрвөн хүн амарч байснаас хоёр хүн нуурын усанд сэлэхээр ороод живсэн тухай дуудлагыг аймгийн Онцгой байдлын газар долдугаар сарын 22-ны өдрийн 15:49 цагт хүлээн авчээ. Тус аймгийн Онцгой байдлын газрын Эрэн хайх, аврах салбарын алба хаагчид 19:30 цагт очиж, Бүрэгхангай сумын Засаг даргын Тамгын газрын ажилтнууд, орон нутгийн иргэд, ар гэрийнхэн эрэн хайх ажиллагааг зохион байгуулж, мөн өдрийн 20:04 цагт нийслэлийн Сонгинохайрхан дүүргийн харьяат 41 настай, эрэгтэй Б, Баянгол дүүргийн харьяат иргэн 17 настай, эрэгтэй Б нарын цогцсыг Тосон нуурын 10 метрийн гүнээс гаргаж, тус сум дахь Сум дундын Цагдаагийн хэсгийн даргад шилжүүлэн өгчээ.