Сэлэнгэ аймгийн Ерөө сумын Бугант багийн Өнчин толгой гэдэг газар  Самарт түүхээр яваад сураггүй болсон нэг хүнийг эрэн хайх ажиллагааг хамтран зохион байгуулах тухай хүсэлтийг тус аймгийн Онцгой байдлын газар долдугаар сарын 20-ны өдрийн 11:00 цагт аймгийн Цагдаагийн газраас хүлээн авчээ. Хүсэлтийн дагуу Төв аймгийн Жаргалант сумын харьяат 29 настай, эрэгтэй Б гэгчийг эрэн хайх ажиллагааг зохион байгуулахаар Онцгой байдлын газрын Хүдэр сум дахь Эрэн хайх салбар, аймгийн Цагдаагийн газрын алба хаагчид, Ерөө сумын Бугант тосгонд долдугаар сарын 22-ны өдрийн 16:00 цагт очиж хонон, өнөөдрийн 05:20 цагт тус сумын хоёр байгаль хамгаалагч, орон нутгийн хоёр хүн, нийт найман хүн, есөн морьтой цааш хөдөлсөн.