Сэлэнгэ аймгийн Ерөө сумын Бугант тосгон Эрээн гол гэх газар самарт явсан 33-58 насны гурван эмэгтэй, нэг эрэгтэй сураггүй болоод 20 хонож байна. ЦЕГ-аас ОБЕГ-тай хамтран энэ сарын 17-ноос хойш явганаар болон мориор 300 километр газар эрэн хайх ажиллагаа явуулсан ч үр дүнд хүрээгүй байна.

ОБЕГ-аас "Нэг нисдэг тэрэг хөөргөхөд дөрвөн  сая гаруй төгрөг зарцуулдаг. Дөрвөн цаг хөлслөхөд 20 сая болно" гэж мэдээлсэн. Ар гэрийнхний зүгээс ард түмнээс хандивын тусламж хүсээд байсан юм.

  Өнөөдрийн байдлаар 21 сая төгрөг цугларч, хандивийг зогсоожээ. Эрлийн ажиллагааг үргэлжлүүлэхээр 21 хүний бүрэлдэхүүнтэй МИ-171 онгоцоор Ерөө сумын Бугант тосгон Эрээн гол руу нисгэлээ.