Үндэсний статистикийн хорооноос Монгол Улсын нийгэм эдийн засгийн 2021 оны эхний хагас жилийн статистик мэдээллийг танилцуулсан. Энэ үеэр Авлигатай тэмцэх газарт оны эхний хагаст авлигын 181 хэрэг бүртгэгдсэн болохыг мэдээллээ. 

Тодруулбал, Авлигатай тэмцэх газрын Мөрдөн шалгах хэлтэст 2021 оны эхний хагас жилд авлигын 181 хэрэг бүртгэгдсэн нь өмнөх оны мөн үеэс 1.6 хувиар буурсан үзүүлэлт аж.

Авлигын гэмт хэрэг өмнөх оны мөн үеэс буурахад хахууль өгөх гэмт хэрэг 27.3, үндэслэлгүйгээр хөрөнгөжих гэмт хэрэг 77.8 хувиар буурсан нь голлон нөлөөлжээ. 

Бүртгэгдсэн 181 авлигын хэргийг Монгол Улсын Эрүүгийн хуулийн 22 дугаар бүлгийн зүйлээр ангилахад

• 140  буюу 72.2 хувь нь эрх мэдэл, албан тушаалын байдлаа урвуулан ашиглах,
• 33 буюу 17 хувь нь хахууль авах гэмт хэрэг,
• 16 буюу 8.2 хувь нь хахууль өгөх хэрэг,
• Хоёр буюу нэг хувь нь үндэслэлгүйгээр хөрөнгөжих гэмт хэрэг, гурав буюу 1.5 хувь нь хуулийн этгээдийн эрх мэдлийг урвуулан ашиглах гэмт хэрэг байна.

Харин зургадугаар сард 37 авлигын хэрэг бүртгэгдсэн нь өмнөх сараас 12 хэрэг буюу 48 хувиар өсжээ.