“Орон нутгийн зам хөдөлгөөний соёл-2021” нэгдсэн арга хэмжээ “Ирээдүйгээ хамгаалъя” уриатайгаар улсын хэмжээнд зам тээврийн осол, гэмт хэргээс урьдчилан сэргийлэх зорилгоор Тээврийн цагдаагийн алба зохион байгуулан ажиллаж байна.

 Орон нутгийн замд хөдөлгөөнд оролцож байгаа иргэд жолооч нарыг зам тээврийн осол, хэргээс урьдчилан сэргийлэх чиглэлээр цагийн менежментийн дагуу 111 цэгт 24 цагаар алба хаагчид осол их бүртгэгддэг цэгүүдэд хяналт шалгалтыг эрчимжүүлэн  ажиллаж,  орон нутгаас нийслэлийг чиглэсэн тээврийн хэрэгслийн хөдөлгөөн ихсэж, олон цагаар автомашин жолоодож хөдөлгөөнд оролцож буй жолооч, зорчигч нарын биеийн чилээг тайлах хөдөлгөөн хийлгэх, хүүхэд буруу тээвэрлэсэн зөрчлийг засуулж, хүүхдүүдэд  бүс тэнцүүлэгч өгч,  жолооч зорчигч нарын суудлын бүсийг зүүлгэн, хурдаа тохируулж, шөнийн цагт гэрлээ шилжүүлж хөдөлгөөнд оролцохыг анхааруулж, санамж зөвлөмж өгч хяналт тавьж жолооч бүрийг хариуцлагатай хөдөлгөөнд оролцохыг уриалж ажиллажээ.

2021 оны долдугаар сарын 16, 17, 18-ны амралтын өдрүүдэд Тээврийн цагдаагийн албаны жижүүрийн шуурхай удирдлагын төв нийт 501 дуудлага мэдээлэл хүлээн авснаас зам тээврийн ослын шинжтэй 271 дуудлага мэдээлэл бүртгэгдсэн байна.

Хүн гэмтсэн осол нийслэлд 12 хүн гэмтэж, орон нутагт нэг хүн гэмтэж, дөрвөн хүн амиа алдсанаас хоёр нь хүүхэд байгаа юм.

Ослыг хэлбэрээр нь авч үзвэл:

Нийслэлд

• Автомашин явган зорчигч мөргөсөн - Дөрөв
• Автомашин унадаг дугуй мөргөсөн - Нэг
• Зорчигч гэмтсэн - Долоо

Орон нутагт 

• Автомашин онхолдох - Хоёр
• Хөдөлгөөн эхлэхэд - Нэг

Мөн гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийслэлд 167 зөрчлийг илрүүлж учирч болох эрсдэлээс урьдчилан сэргийлж ажилласан байна.