Монгол Улсын Гавьяат тээвэрчин, УБТЗ-ын дарга агсан Д.Жигжиднямаа хүнд өвчний улмаас таалал төгсжээ.

Монгол Улсын Гавьяат тээвэрчин Д.Жигжиднямаа 1965 онд Улаанбаатар хотод төржээ. 1972-1982 онд ЗХУ-ын VIII дунд сургууль, 1982-1988 онд ОХУ-ын Москва хотын Төмөр замын дээд сургуулийг Төмөр замын тээвэр удирдлагын инженер мэргэжлээр төгсөж, Малайз, Япон, Сингапур зэрэг улсад мэргэжил дээшлүүлж байв.

Тэрээр эрүүл мэндийн шалтгаанаар ХБНГУ-д урт хугацааны эмчилгээ хийлгэхээр албан тушаалаасаа чөлөөлөгдөх өргөдлөө өнгөрсөн хоёрдугаар сард гаргаад байсан юм.

Түүний гэр бүл, төрөл төрөгсөд, хамт олонд нь гүн эмгэнэл илэрхийлье.