Баяр наадмын бүх нийтийн амралтын өдрүүд буюу долдугаар сарын 9-17-ны хооронд Онцгой байдлын ерөнхий газарт нийт усны 33 осол бүртгэгджээ. Үүнээс зөвхөн долдугаар сарын 15-нд усны ослын 12 дуудлага бүртгэгдсэн байна. Дуудлагын дагуу эрэн хайх, аврах үйл ажиллагаа явуулахад таван газарт есөн хүн амиа алдсан байсан бол хоёр машин уснаас татан гаргаж есөн хүн аварчээ. Мөн тухайн өдөр усанд осолдсон гурван хүнийг эрэн хайх ажиллагааг дараагийн өдрүүдэд үргэлжлүүлсэн билээ.

Иймд иргэд, аялагчид та бүхэн:

-Гол, мөрөн нуурын ойролцоо амарч зугаалахдаа сонор, сэрэмжтэй байх

-Хүүхдийг гол усны эрэг дагуу тоглуулахгүй байх, хүүхдэд тавих хараа хяналтаа сайжруулах

-Согтууруулах ундаа хэрэглэсэн үедээ гол усанд орохгүй байх

-Баталгаатай гүүр, гарам, гарцтай газраар автомашинтай зорчиж гол, усны ослоос урьдчилан сэргийлэхийг АНХААРУУЛЖ БАЙНА.