Нийслэлийн Сонгинохайрхан дүүргийн 33 дугаар хорооны нутаг дэвсгэрт өчигдөр буюу долдугаар сарын 13-нд 14:30 цагийн орчимд түр зуурын хуй салхи үүссэний улмаас тус хорооны Тахилт хэсгийн VII, VIII, XVIII гудамжны айлуудын хашаа, гэр нурж, байшингийн дээвэр хууларчээ.

Тус дүүргийн Онцгой байдлын газар мөн өдрийн 14:55 цагт дуудлага хүлээн авч, газар дээр нь очсон байна. Хуй салхины улмаас 13 айлын байшингийн дээвэр хууларч, 32 айлын гэр, хашаа нурж, эвдэрсэн байна.