Архангай аймгийн Өндөр-Улаан, Ихтамир сумын нутагт өчигдөр буюу долдугаар сарын 12-ны 22:00 цагийн орчимд хүчтэй аадар бороо орж, Тамирын голын гүүр усанд автсан. Улмаар тус гүүрээр гарах, орох, тус хэсгийн зорчих хөдөлгөөнийг хязгаарлаад байсан юм.

Тэгвэл үерийн улмаас эвдэрч, сэтэрсэн даланг өнөөдөр бүрэн засварлаж дуусчээ. Замын эвдрэлийг “Архангай АЗЗА” компани хариуцаж ажилласан байна.

Иргэд, жолооч та бүхэн аюулгүй байдлаа ханган, замын хөдөлгөөнд анхаарал болгоомжтой оролцоно уу.