Үндэсний баяр наадмыг цар тахлын нөхцөл байдлаас шалтгаалан хойшлуулсан. Улмаар наадмын нээлтийн үйл ажиллагааг цахимаар зохион байгуулж, "Би монгол хүн" тоглолтыг олны хүртээл болгосон. Өв соёлоо сурталчлан таниулах уг тоглолтын үеэр жүжигчин Г.Алтаншагай Буриад ардын дуу дуулж, сарлаг унасан нь олны шүүмжлэлд өртөөд буй. Тэгвэл тэрбээр энэ талаар өөрийн байр сууриа цахим орчинд илэрхийлжээ.

     Г.Алтаншагай цахим хаягаараа дамжуулж “Буриад хүн сарлаг унадаггүй юм гэж бултаараа ихэд загнав. Бүх комментыг уншаад та бүгдийг өрөвдөх шиг бас гомдох шиг боллоо. Би маш их сургуулилт хийж, хувцсаа маш их зөвлөгөө авч хийлгэсэн… Гэхдээ би доромжиллоо гээд буй хүмүүстэй нанчилдахад бэлэн хөвгүүн шүү. Би бахархаж дуулсан юм шүү…” гэж бичжээ.