Хан-Уул дүүргийн аравдугаар хорооны Хадан хошуу гэдэг газар, Туул голын эрэгт эрэгтэй хүний цогцос байна гэсэн дуудлагыг өчигдөр 14:59 цагт Нийслэлийн Онцгой байдлын газар хүлээн авжээ. Дуудлагын дагуу Аврах ангийн алба хаагчид 27 км зам туулан 15:30 цагт очиж тус дүүргийн 11 хорооны харьяат иргэн 62 настай, эрэгтэй Б гэгчийн цогцсыг уснаас гаргаж, Цагдаагийн байгууллагад шилжүүлэн өгсөн.