Дорнод аймгийн Хэрлэн сумын зургадугаар багийн Хэрлэн голд нэг хүүхэд нь живсэн тухай дуудлагыг долдугаар сарын 08-ны өдрийн 09:30 цагт тус аймгийн Онцгой байдлын газар хүлээн авсан. Дуудлагын дагуу Онцгой байдлын газрын алба хаагчид нэг км зам туулан 09:32 цагт очиход 10 настай, эрэгтэй Т гэгч нь Хэрлэн голд живсэн тул осолдсон газраас зүүн зүгт тавдугаар багийн Улаан-Эрэг гэдэг газар хүртэл 30 км-т завиар мөн 1.5-2 метрийн гүнд 54 удаа шумбалт хийж эрэн хайх ажиллагааг зохион байгуулсан боловч үр дүнд хүрээгүй тул 20:40 цагт түр зогсоосон. Эрэн хайх ажиллагааг өнөөдрийн 05:00 цагт дахин эхлүүлсэн.