МЭДЭГДЭЛ:“Э.Энхбат начны аппаратыг салгана” гэдэг нь худал мэдээлэл

2021-07-08, 4133

-Эргэлт.мн мэдээллийн сайт “Э.Энхбат начны аппаратыг салгана” гэх мэдээ нийтлээгүй болно-

“Эргэлт.мн” мэдээллийн сайт нь 2021 оны долдугаар сарын 6-нд "Э.Энхбат начны ээж болон гурван хүүхдийг нь БНСУ руу явуулахаар болжээ” гарчигтай мэдээ нийтэлж, уншигчдад хүргэсэн билээ.

Тодруулбал, “Э.Энхбат начны ээж болон гурван хүүхдийг нь БНСУ руу явуулах асуудлыг шийдвэрлэсэн талаар УИХ-ын гишүүн Ж.Бат-Эрдэнэ мэдээлэв. Тэрбээр

"Долдугаар сар. Монгол хүн бүр морь, бөхөө шинжиж, сур шагай нааддаг дэлгэр сайхан сар байдаг сан. Энэ жилийн хувьд цар тахлын нөхцөл байдлаас шалтгаалан баяр наадам зохион байгуулахгүй байх шийдвэрийг Засгийн газар гаргалаа.

Наадмын тухай бодохтой зэрэгцэн Э.Энхбат начнаа эдгэрч, эрүүл болж ирээд нутгийн зон олноо, Монгол түмнээ баярлуулаасай гэж хүлээж сууна. Тэнхлүүн явахад тэмээгээр тусласнаас тэвдэж явахад тэвнээр тусла гэж ардын сайхан үг бий. Начныхаа эмчилгээний зардалд дэм үзүүлсэн, өнөөдөр ээж болон гурван хүүхдийг нь БНСУ руу явуулах асуудлыг шийдвэрлэлээ" хэмээн бичсэн юм. Уг мэдээг энд дарж уншина уу.

Уг мэдээнд Э.Энхбат начны биеийн байдал муудаж, аппаратыг нь салгана гэх утгатай үг, өгүүлбэр бичигдээгүй гэдгийг албан ёсоор мэдэгдэж байна. Иймд манай сайтын нэрийг барьж, худал мэдээлэл тараахгүй байхыг хүсэж байна.

Ташрамд дурдахад, Э.Энхбат начны биеийн байдал хэвийн байгаа бөгөөд түүний хадам ээж, гурван хүүхэд нь БНСУ руу явахаар бэлтгэлээ хангаж байгаа юм.

МЭДЭГДЭЛ:“Э.Энхбат начны аппаратыг салгана” гэдэг нь худал мэдээлэл

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 5

Сэтгэгдэл үлдээсэн: 2021-07-10 17:24:00

Зочин: Монгол бөх жудгаа алджээ
Сэтгэгдэл үлдээсэн: 2021-07-10 15:10:19

Зочин: Яанаа энэ Төвшинбаяр хорвоогийн тоосыг яаж хөдөлгөж явнаа?!?!?!
Сэтгэгдэл үлдээсэн: 2021-07-09 22:21:59

Пүрэвсүрэн: Ёстой муухай хүмүүс байна шүү Хүний зовлонгоор тоглоом хийгээд .муу даа Хурдан эдгээд ирнэ дээ Түмэн олон залбарч байгаа болхоор Нүүр дүүрэн инээгээд сайхан эх орондоо ирнэ дээ
Сэтгэгдэл үлдээсэн: 2021-07-09 14:04:44

Иргэн: Хүний зовлонгоор тоглох тийм зөв зүйл биш тэр мундаг Хөгжилтэй оронд эмчлүүлж байгаа болхолр эдгээд нүүр Дүүрэн инмээсэглээд эх орондоо ирнэ гэдэгт монгол түмэн Хүлээж байгаа шүү
Сэтгэгдэл үлдээсэн: 2021-07-08 21:28:28

Наранцэцэг: Ямар муу ёрын улс вэ?Заавал үхүүлэх гээд байгаа юм уу?Нэг хүн ч гэсэн амьд байгаасай гэж боддог баймаар.Нэгнээрээ ингэж тавлаж ,элдэвлэж байж бахаа хангаж таашаал авдаг болсон баймааргүй.Миний хувьд хурдан эдгээсэй.Тэр барилдаж уралдах ч яамай.Амьд байж хэдэн жил ч гэсэн үр хүүхэд ,хань ижилдээ харагдаж яваасай л гэж дотроо залбирч байна даа.Зарим нэг хүн арван үсэг холбоод зөв бичиж чадахгүй баиж элдэв долоон юм биччих санаатай байх юм.Монгол хэлний утгыг алдагдуулаад бичих юм даа