-Нэг сарын дотор ажлын хоцрогдлоо нөхөхийг үүрэгдлээ-           

Зам тээврийн хөгжлийн сайд Л.Халтар Дархан-Улаанбаатар чиглэлийн 204 км замын бүтээн байгуулалтын ажлын явцтай танилцаж байна. Энэ үеэр уг төслийн зөвлөх С.Очирбат Дарханы замын шинэчлэлтийн ажилд нийт 1500 хүн долоон загварын тоног төхөөрөмжтэй ажиллаж байгааг дуулгалаа. Түүнчлэн Азийн хөгжлийн банкны хөрөнгө оруулалтаар хийгдэж буй багц ажлын гүйцэтгэгч компани нь Хятадынх байсан бөгөөд цар тахлын улмаас ирээгүй аж. Иймд замын ажилд монгол ажилчиж ороолцож байгаа бөгөөд зарим техникээ ажиллуулж чадахгүй байна гэв.

Өнөөдрийн байдлаар Улаанбаатар-Дархан чиглэлийн 204 километр замын 113-т нь  асфальтан хучилт тавьжээ. Гэхдээ хилээр замын цагаан будаг зэрэг материал орж ирэхгүй байгаа учир тэмдэг, тэмдэглэгээнүүд нь дутуу байгаа аж

Харин Зам тээврийн хөгжлийн сайд Л.Халтар “Сүүлийн өдрүүдэд орсон усархаг борооны бүтээн байгуулалтын ажил саатаад байсан. Өөр ямар шалтгаан байгаа талаар тодруулж зарим инженер, алба хаагчийг солих, хүч нэмэх чиглэл өгч байна. Өрөөнөөсөө ажлаа хийх дуртай инженерүүдийг ажлын талбайд гарахыг анхаарууллаа. Нэг сарын дотор хоцрогдлоо нөхөхийн тулд туслан гүйцэтгэгчдийн тоог нэмэх, Хятадын компани руу ажилчдаа солих сануулга бүхий албан бичгийг явуулахаар төлөвлөж байна. Монголын туслан гүйцэтгэгч компаниудын шүүмжлэлтэй тал нь олон ажлыг нэг зэрэг аваад хийж байгаа нэр зүүн ажил тарамддаг тал байна. Угтаа бол энэ асуудалд сайд нь оролцох биш зөвлөх компаниуд хүн хүч, тоног төхөөрөмжийг хянаж, үйл ажиллагаанд хяналт тавьж зохион байгуулах шаардлагатай юм. Гүйцэтгэгч компаниуд ажлаа гэрээнд заасны дагуу хийж гүйцэтгээгүй тохиолдолд хоног тутамд 5000 ам.долларыг төлнө гэж гэрээнд заасан байдаг” гэлээ.