Хэдхэн цагийн өмнө Төвийн бүсийн хэсгүүдээр эрчим хүчний шугам, сүлжээ тасалдаж, цахилгаангүй болсон. Тус цахилгааны гэмтэл юунаас үүссэн талаар Эрчим хүчний яамны хэвлэлийн ажилтнаас тодруулахад “Монгол Улсын эрчим хүчний салбар нь Баруун бүсийн эрчим хүчний систем, Алтай-Улиастайн эрчим хүчний систем, Төвийн бүсийн эрчим хүчний систем, Зүүн бүсийн эрчим хүчний системд хуваагддаг. Улаанбаатар хот болон төвийн бүсийн аймгуудыг хангаж буй Төвийн бүсийн эрчим хүчний системийн Улаанбаатар-Эрдэнэтийг холбосон 220 кВ-ын цахилгаан дамжуулах агаарын шугамд гэмтэл гарснаас ачааллын хэлбэлзэл үүсч, Улаанбаатар хот болон төвийн бүсийн аймгуудын зарим хэсгийн хэрэглэгчдийг цахилгаан эрчим хүчээр хязгаарлаад байна.

        Гэмтлийг засварлахаар шуурхай ажлын хэсэг ажиллаж байгаа ба хязгаарлагдсан хэрэглэгчдийг үе шаттайгаар холбож, эрчим хүчний хангамжийг хэвийн болгоно. Мөн цахилгааны гэмтэл юунаас болж үүссэнийг тогтоохоор ажиллаж байгаа бөгөөд урьдчилсан байдлаар дээврийн хэсэг салхинд хийсч, гэмтсэн байх магадлалтай хэмээн үзэж байна” гэлээ.