Зам тээврийн ослын улмаас таван сартай нярай амиа алджээ

Г. Жавхлантгарьд:
Монголчуудын амьдрал- Мэдээ мэдээлэл

2021-07-07, 1449

2021 оны долдугаар сарын 05-ны өдөр Тээврийн цагдаагийн албаны жижүүрийн шуурхай удирдлагын төвд зам тээврийн ослын шинжтэй 237 дуудлага мэдээлэл бүртгэгдсэн байна. Бүртгэгдсэн зам тээврийн ослын улмаас нийслэлд тав, орон нутагт дөрвөн хүн гэмтэж, нэг том хүн, нэг нярай амиа алджээ. Тухайлбал:

Нийслэлд

2021 оны долдугаар сарын 06-ны өдрийн 05:00 цагийн орчим Хан-Уул дүүрэг Их Монгол улсын гудамжны замд жийп автомашины жолооч гэрлийн шон мөргөж, жолооч, зорчигч хоёр хүн гэмтсэн.

2021 оны долдугаар сарын 06-ны өдрийн 17:00 цагийн орчим Чингэлтэй дүүрэг Тасганы замд том оврын автомашины жолооч нь суудлын 11 автомашин мөргөсөн осол гарч, ослын улмаас жолооч гэмтсэн.

2021 оны долдугаар сарын 06-ны өдрийн 20:30 цагийн орчимд Налайх дүүргийн нутаг дэвсгэрт суудлын автомашин онхолдож, зорчигч гэмтсэн.

Орон нутагт

2021 оны долдугаар сарын 06-ны өдрийн 15:00 цагийн орчим Говьсүмбэр аймаг Шивээговь сумын нутагт бага оврын ачааны автомашин онхолдож, жолооч амиа алджээ.

2021 оны долдугаар 06-ны өдрийн 18:00 цагийн орчим Дорноговь аймаг Хатанбулаг сумын нутагт уаз фургон маркийн автомашин онхолдож, зорчигч таван сартай нярай амиа алджээ.

2021 оны долдугаар 06-ны өдрийн 22:00 цагийн орчим Дорнод аймаг Хэрлэн сумын нутагт суудлын автомашины жолооч явган зорчигч хоёр хүн мөргөж, гэмтээсэн.

2021 оны долдугаар 06-ны шөнийн 03:30 цагийн орчимд Дундговь аймгийн Адаацаг сумын нутагт Lexus маркийн автомашин Приус маркийн автомашинтай мөргөлдөж, ослын улмаас жолооч гэмтсэн.

Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 56 зөрчил илрүүлсний нийслэлд 40, орон нутагт 16 зөрчлийг илрүүлж учирч болох эрсдэлээс урьдчилан сэргийлж ажилласан байна.

Зам тээврийн ослын улмаас таван сартай нярай амиа алджээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.