Сэлэнгэ, Өвөрхангай аймаг болон нийслэлд өчигдөр дөрвөн хүн голын усанд живснээс гурав нь нас барж, нэгийг нь эрэн хайж байна. Тодруулбал, Хан-Уул дүүргийн 12 дугаар хорооны “Задгай”-д Туул голын эрэг дээр зугаалж байсан 11 хүний нэг нь живжээ. Ийнхүү  Нийслэлийн Аврах ангийн алба хаагчид 37 км замыг туулан Хан-Уул дүүргийн 11 дүгээр хорооны “Сонгино” амралтаас бетонон гүүр хүртэл хоёр км-т эрэн хайх ажиллагааг зохион байгуулсан боловч үр дүнд хүрээгүй байна. Иймд эрлийн ажиллагааг түр зогсоож,  өнөөдөр 05:00 цагаас дахин эхлүүлжээ.  Мөн тус дүүргийн 11 дүгээр хорооны “Задгай”-д Туул голын усанд цогцос хөвж байна гэсэн дуудлагын дагуу нийслэлийн Аврах ангийн алба хаагчид Баянзүрх дүүргийн V дугаар хорооны харьяат иргэн 65 настай, эрэгтэй Т-ийн цогцсыг гарган Хан-Уул дүүрэг дэхь Цагдаагийн I дүгээр хэлтсийн жижүүрийн бүрэлдэхүүнд шилжүүлэн өгсөн байна. 

Өвөрхангай аймгийн Уянга сумын Бөөрөлжүүт багийн “Бөөрөлжүүт” гэдэг газар суудлын автомашин голын усанд суусны улмаас  нэг хүн автомашинаасаа бууж явганаар гол гаталж яваад живж нас баржээ.  Иймд иргэд та бүхэн голын эрэг орчмоор зугаалах, гол гатлах үедээ Өвөрхангай аймгийн Уянга сумын Бөөрөлжүүт багийн “Бөөрөлжүүт” гэдэг газар суудлын автомашин голын усанд суусны улмаас  нэг хүн автомашинаасаа бууж явганаар гол гаталж яваад живсэн байна.   усанд живэхээс сэрэмжтэй байхыг анхааруулж байна.

Хүүхдүүдээ голын ойролцоо тоглуулахаас зайлсхийнэ үү.

Сэлэнгэ аймгийн Зүүнбүрэн сумын Мангирт  багийн “Зүр хангай” гэдэг газар хоёр хүүхэд Орхон голын эрэг дээр тоголж байгаад нэг нь усанд живжээ. Тус аймгийн Онцгой байдлын газрын алба хаагчид 11 настай, эрэгтэй Б-г эрэн хайх ажиллагааг зохион байгуулж, хоёр метрийн гүнээс цогцсыг гаргаж Цагдаагийн байгууллагад шилжүүлэн өгсөн байна.