Улсын онцгой комисс өчигдөр хуралдаж, Үндэсний их баяр наадмыг хойшлуулах санал гаргасан билээ. Засгийн газар өнөөдөр 09.00 цагт ээлжит бусаар хуралдаж, баяр наадмыг хойшлуулах асуудлыг эцэслэн шийдвэрлэхээр төлөвлөөд байна.

           Үндэсний баяр их наадмыг жилээр хойшлуулахтай холбогдуулан уяач, бөх, сур харваачид өөрсдийн байр сууриа илэрхийлээд байна.

Тухайлбал, Монгол Улсын арслан Ц.Содномдорж цахим хуудастаа “Наадам бүтэн жилээр хойшилж байх шиг байна. Эрүүл мэнд эрхэм баялаг” хэмээн бичжээ.

              Улсын арслан Ц.Содномдорж тэргүүтэй “Хөвсгөлийн хүчтэн” бөхийн дэвжээний бөхчүүд зургадугаар сарын 1-нд бэлтгэлдээ гараад байсан юм. Тэгвэл тэд цахим наадмыг хойшлуулах нь зөв гэж үзжээ.