УИХ-ын Хууль зүйн байнгын хорооны хуралдаанаар Өршөөлийн тухай хуулийн тогтоолын төслийг хэлэлцэж, УИХ-ын чуулганаар хэлэлцүүлэхээр болсон. Уг Өршөөлийн тухай хуулиар жолооны эрхээ хасуулсан, замын хөдөлгөөний зөрчил гаргаж, торгуулсан жолооч нарыг нэг удаа өршөөх заалт оруулаад буй.

  Тэгвэл тээврийн хэрэгсэл жолоодох эрхээ хасуулсан жолооч нар эрхээ хэрхэн сэргээх вэ гэдгийг хүргэж байна.

Хууль зүйн сайдын 2015 оны наймдугаар сарын 28-ны өдрийн А/186 дугаар тушаалын хавсралт

Тээврийн хэрэгсэл жолоодох эрх сэргээх

          3.1.Тээврийн хэрэгсэл жолоодох эрх дуусгавар болсон жолоочийн эрхийг дараах тохиолдолд сэргээнэ:

3.1.1.Зөрчлийн оноо дууссан /согтуугаар тээврийн хэрэгсэл жолоодсоноос бусад байдлаар эрхээ хасуулсан/ жолооч хоёр цаг, Замын хөдөлгөөний аюулгүй байдлын тухай хуулийн 27 дугаар зүйлд заасан зөрчлийн улмаас эрхээ хасуулсан этгээд зургаан цагийн  сургалтад хамрагдан, шалгалтад тэнцсэн;

3.1.2.тээврийн хэрэгсэл жолоодоход эрүүл мэндийн хувьд тэнцэх болохыг нотлох бичиг баримттай;

3.1.3.жолоочийн үнэмлэхний хүчинтэй хугацаа дууссан жолоочийн үнэмлэхийг шинээр хэвлэж олгосон.

3.2.Энэхүү журмын 3.1.1-д заасан сургалт, шалгалтыг нийслэлд Цагдаагийн байгууллагын тусгай зөвшөөрөл олгох ажил хариуцсан нэгж, орон нутагт тухайн нутаг дэвсгэр хариуцсан цагдаагийн байгууллага гүйцэтгэнэ.

3.3.Энэхүү журмын 3.2-т заасан сургалтыг Төрийн бус байгууллагаар гэрээгээр гүйцэтгүүлж болно.

3.4.Энэхүү журмыг зөрчсөн Цагдаагийн алба хаагч болон иргэнд холбогдох хууль, тогтоомжийн дагуу хариуцлага хүлээлгэнэ.