Онцгой байдлын ерөнхий газарт зургадугаар сарын 27-ны 18:49 минутад Хан-Уул дүүргийн 12 дугаар хороо, Биокомбинатын орчим Туул голыг морьтой хүн гатлах гэж байгаад живсэн тухай дуудлага иржээ. Дуудлагын дагуу нийслэлийн Аврах ангийн алба хаагчид зургадугаар сарын 28-ны 08:00 цагаас Хан-Уул дүүргийн харьяат 17 настай, эрэгтэй Ө-гийн эрэн хайх ажиллагааг зохион байгуулсан байна. Мөн өдрийн 17:00 цагт тус дүүргийн 12 дугаар хороо, Зэвсэгт хүчний 326 дугаар ангийн хойд тал дахь Туул голын уснаас цогцсыг олж, цагдаагийн байгууллагад шилжүүлэн өгчээ.