Монгол Улсын ТОП-100 аж ахуйн нэгжийн 40 дүгээр байрт “Скай хайпермаркет” ХХК буюу “Имарт” хайпермаркет эрэмбэлэгдлээ. Хэрэглэгчид үйлчилж эхлээд таван жилийнхээ босгон дээр ирж буй Имартынхан анхны жилээ 98 дугаар байрт эрэмбэлэгдэж байсан бол жил ирэх тусам дээшилж, өнгөрсөн жилээс 12 байраар урагшилсан амжилт үзүүлжээ.

        Уг арга хэмжээг Монгол Улсын Засгийн газар болон Монголын үндэсний худалдаа аж үйлдвэрийн танхим хамтран 20 дахь жилдээ зохион байгуулж байгаа юм. Энэ оны хувьд коронавирусийн халдварт цар тахлын нөхцөл байдлаас шалтгаалж 2020 оны ТОП-100 аж ахуйн нэгжийг өргөмжлөх, эрэмбийг зарлах арга хэмжээ цахимаар зохион байгуулагдлаа.

ТОП 100 аж ахуйн нэгжийг эрэмбэлэх голлох таван үзүүлэлтээр Имарт дараах байдалтай байна.

     Үүнд: Борлуулалтын орлогын эрэмбээр 42, Татварын оролгын эрэмбээр 49, Хөрөнгийн эрэмбээр 52, Ашгийн хэмжээний эрэмбээр 73, Даатгуулагчийн тооны эрэмбээр 28 гэх мэт үзүүлэлттэй байсан аж. Тус хайпермаркет нь одоогийн байдлаар нийт 2500 гаруй ажлын байр бий болгоод байгаа юм.

Хөдөлмөрч хичээнгүй хамт олонд хүн болгоны хайр хүндэтгэлийг хүлээж, хэрэглэгч үйлчлүүлэгчдийнхээ итгэлийг дааж, эх орныхоо хөгжил цэцэглэлтэд үнэтэй хувь нэмэрээ оруулж, илүү амжилттай Имартыг хамтдаа бүтээлцэх эзэд нь байхыг хүсэн ерөөе.