Налайх дүүргийн нэгдүгээр хороо Сайхны саравч, Чингисийн өвөлжөө гэх газар охинтойгоо хамт морь унаж, гол гаталж байгаад осолдох гэж байсан хоёр иргэнийг аварчээ. Тодруулбал, унаж явсан морь нь живж, хоёр хүн голын эргийн голд модон дээр тогтож үлдсэн гэсэн дуудлагыг өнөөдөр 12:43 цагт Онцгой байдлын газарт ирүүлжээ.  Дуудлагын дагуу  Онцгой байдлын хэлтсийн дарга, хурандаа Л.Чинбатаар ахлуулан завьт эргүүлийн үүрэг гүйцэтгэж байсан аврах бүлгийн найман алба хаагч 13:05 цагт ослын газарт очиж,  завиар аврах ажиллагаа явуулжээ. Голын уснаас  30 настай эрэгтэй О.М, дөрвөн настай эмэгтэй М.А-гийн хамт байсныг аварч, аюулгүй бүсэд гаргасан. Дөрвөн настай М.А-г дүүргийн яаралтай тусламжийн төвд хүлээлгэн өгсөн.

Мөн тус дуудлагаас буцах замд Баянцагаан давааны харалдаа гол гаталж байгаад живэн, тогтож үлдсэн гэх дуудлагын дагуу очиж иргэн  48 настай эрэгтэй  Х.М,  43 настай эмэгтэй Н.С нарыг аюулгүй бүсэд гаргасан байна.