Эрүүл мэндийн яамнаас халдварын тархалтын талаар ээлжит мэдээлэл өглөө. Энэ үеэр Эрүүл мэндийн яамны Хэвлэл мэдээллийн ажилтан Б.Ууганбаяр “Өнгөрсөн 24 цагийн хугацаанд 10439 хүнд PCR шинжилгээ хийхэд 2432 хүнээс халдвар илэрлээ. Түүнээс дотоодын халдвар 2428, эмнэлгээс шалтгаалах гурав, зөөвөрлөгдсөн нэг тохиолдол илэрсэн байна. Дотоодын халдварын 1519 нь нийслэл хотод батлагдсан бол 909 нь орон нутагт илэрлээ. Ингэснээр тохиолдлын тоо 109694 болж байна.

    Улаанбаатар хотод өнөөдрийн байдлаар нийт 86609 тохиолдол батлагдаад буй нь улсын хэмжээнд илэрсэн нийт халдварын тохиолдлын 78.9 хувийг эзэлж байна. Харин өнгөрсөн хоногт 1207 хүн эдгэрч, эмнэлгийн болон гэрийн ажиглалтаас гарлаа. Ингэснээр 69958 иргэн халдвараар өвчлөөд эдгэрсэн байна. Мөн 13 хүн тус өвчний улмаас нар барлаа" гэв.