Я.БУРМАА: Үерийн усыг урсгах, ногоон массыг нэмэгдүүлэх ажлыг хийж байна

Г. Жавхлантгарьд:
Монголчуудын амьдрал- Мэдээ мэдээлэл

2021-06-24, 703

Манай улсад тулгамдаж буй асуудлын нэг үерийн ус байдаг. Нийслэлийн гэр хорооллоос эхлээд, хотын төвд хүртэл үер буудаг. Тиймээс үерийн ус зайлуулах, тогтсон усыг урсгах зэрэг ажилд болон авто зам, төмөр зам, гүүр, бүтээн байгуулалтад Геодези, зураг зүйн газрын үүрэг, ач холбогдлын талаар албаны хүмүүсээс тодрууллаа.

“Геодези, Геоматик” ХХК-ийн дарга Я.Бурмаа: Бид хот байгуулалтын судалгаа хийснээр өндөржүүлэлт, төлөвлөлтийн ажлыг эхлүүлдэг. Энэ нь юу вэ гэхээр тухайн газрын хөрс, газрын гадаргуугийн налуу, жилд унах хур тунадасны хэмжээг судалж үзээд өндөржүүлэлт төлөвлөлтийг хийдэг. Энэ нь ямар хэрэгтэй гэхээр бидний эрүүл, аюулгүй амьдрах орчныг бүрдүүлж өгдөг. Одоо борооны улирал эхэлж байна. Энэ өдрүүдэд айлууд үерт автах, хонхорхой газар ус тогтох зэрэг асуудал үүсдэг. Үүнээс сэргийлж, төлөвлөж, гадаргуу дээр тогтсон усыг урсгаж зайлуулах, ногоон массыг нэмэгдүүлэх тийм төлөвлөлтийг хийж ажилладаг.

Монгол Улсын Геодезийн зөвлөх инженер Ю.Чүлтэм: Байр зүйн зураг дээр тулгуурлаж хот төлөвлөлтийн бүх ажил явагддаг. Архитекторууд нь тухайн барилга байгууламжаа төлөвлөсний дараагаар бид тухайн барилга байгууламжийн тэг тэнхлэгийг газрын гадаргуу дээр шилжүүлэх, улсын мэдээллийн санд оруулах үүрэгтэй. Улсын мэдээллийн санд орсны дараа тухайн дүүрэг, нийслэлийн Засаг дарга барилга барих зөвшөөрөл олгоно. Тухайн барилга баригдаж дууссаны дараа мэргэжлийн байгууллага зураг төслийнхөө дагуу баригдсан эсэхийг шалгаж, улсын бүртгэлийн санд мэдээллийг өгнө. Үүний дараагаар Улсын бүртгэлийн сангаас дугаар өгч, Улсын комисс хүлээж авна.

Я.БУРМАА: Үерийн усыг урсгах, ногоон массыг нэмэгдүүлэх ажлыг хийж байна

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2021-06-24 22:16:08

Иргэнд:: Геодези, зураг зүй, газрын харилцааны газар гэж Барилга хот байгуулалтын яамны 2 давхарт байдаг.
Сэтгэгдэл үлдээсэн: 2021-06-24 22:13:48

Tsevelmaa: Ногоон байгууламжийн талбайг багасгаж, зүлэг байсан газрыг их хэмжээгээр цардаж байгаа нь жоохон бороо ороход л Улаанбаатар үерт автах шалтгаан болж байна. Хуучин бол орсон жоохон бороо зүлэг, шороонд шингэдэг байсан бол одоо барилгын дээврийн борооны цоргоноос гоожиж буй уснууд нийлээд гол горхи шиг урсаад байх юм. Зарим барилгын хооронд нэг ч сул газар үлдээхгүйгээр бетондоод, асфальтдаад орхихын, энэ нь Улаанбаатарт халууныг ч нэмэгдүүлж байна. Тохижуулж байна гээд нуухы нь авах гээд нүдий нь сохлов гэдгийн үлгэр болох юм даа.
Сэтгэгдэл үлдээсэн: 2021-06-24 15:15:36

Иргэн: Геодези зураг зүйн газар гэж ямар газар хаа байдаг юм.