Коронавирусийн эмийн үнэ нэмэгдэж буй талаар Эм, эмнэлгийн хэрэгслийн хяналт, зохицуулалтын газрын дарга Б.Цэцэгсайханаас тодруулахад “Сүүлийн өдрүүдэд коронавирусийн эмийн үнэ өссөнтэй холбогдуулан ШӨХТГ-тай хамтран хяналт, шалгалт хийж байна. Зарим иргэн арбидол эмийг 6000 төгрөгийн ханштай эмийг 36 мянгаар зарж байна гэсэн төөрөгдөл үүсгээд байна.

Дэлхийн хаана ч тийм үнэ байхгүй шүү дээ. Бидний зүгээс Украйн Улсад үйлдвэрлэсэн арбидол эмийг 27 мянга, Орос Улсад үйлдвэрлэсэн арбидол эмийг 36 мянга, Хятад Улсад үйлдвэрлэсэн арбидол эмийг 19 мянган төгрөгөөс илүүгүй худалдаалах чиглэл өгсөн. Түүнчлэн арбидол эмийг дотоодын эмийн үйлдвэрт үйлдвэрэхээр бэлдэж байна" гэлээ.