Үндэсний спортын холбоод аймаг, сумдын наадмыг зохион байгуулахгүй байх шийдвэрийг эсэргүүцэж Засгийн газар болон УОК-т баяр наадмыг улс, аймаг, сум бүрд зэрэг хийх хүсэлт хүргүүллээ. МҮБХ, МҮХХ, МҮМСУХ-ны удирдлагууд энэ талаар мэдээлэл хийлээ.  Монголын үндсэний морин спорт уяачдын холбооны тэргүүн “Засгийн газрын хуралдаанаас гарсан шийдвэрийн дагуу аймаг, сумдын наадмыг зохион байгуулахгүй байх шийдвэр гарсан. Энэ шийдвэрийг манай аймаг, сумдын уяач эсэргүүцэж, манай холбоонд хандаж байна. Үүнтэй холбоотойгоор бид хуралдаж, өнөөдрийн хүсэлтийг хүргүүлж байна. Одоогийн байдлаар 17 аймаг, 167 сумаас хүсэлт ирүүлсэн. Үүнийг Үндэсний баяр наадмын зохион байгуулах комисст хүргүүлнэ” гэлээ.

Монголын үндэсний бөхийн холбооны тэргүүн “Нөхцөл байдлыг ойлгож байна. Түр зуурын нөхцөл байдлыг харгалзан үзэж, шийдвэрээ эргэж харна уу. Монгол Улсын 330 суманд 23 гаруй бөх бий. Бөхчүүд энэ жил барилдахаар төлөвлөж, бэлтгэлдээ гарсан байсан. Аймаг, сумдын наадмыг нэг өдөр зохион байгуулж өгөөч гэж хүсэж байна. Орон нутагт байгаа бөхчүүдийн бэлтгэл, хөдөлмөрийг хүндэлж, наадмаа зохион байгуулж өгөөч гэж энэ хүсэлтийг хүргүүлж байна.

Монголын үндэсний харваачдын холбооны тэргүүн “Засгийн газраас гаргасан чиглэлийг тодорхой хэмжээнд эргэн харж, наадмыг нэг өдөр зохион байгуулах, наадмыг хугацааг хойшлуулж өгөх хүсэлт гаргаж байна" гэв.